Jina
lake la kuzaliwa lilikuwa Karol Józef Wojtyła
Alikuwa
papa wa 264 kuanzia 16 Oktoba 1978 hadi kifo chake akidumu katika huduma hiyo
kirefu kuliko mapapa wengine wote, isipokuwa Mtume Petro na Papa Pius IX.
Alimfuata
Papa Yohane Paulo I akiwa Papa wa kwanza asiye Mwitalia tangu miaka 455
iliyopita, wakati wa Mholanzi Papa Adrian VI (1522 - 1523), tena papa wa kwanza
kutoka Polandi (na makabila yoyote ya Waslavi) katika historia yote ya Kanisa.
Alifuatwa na Papa Benedikto XVI.
Wengi
wanamhesabu kati ya watu walioathiri zaidi karne ya 20, hasa kwa sababu tangu
mwanzo wa upapa wake alipambana na Ukomunisti uliotesa nchi yake asili na
nyinginezo, akachangia kwa kiasi kikubwa kikomo chake na kusambaratika kwa
Urusi.
Vilevile
alilaumu ubepari wa nchi za magharibi na kudai haki katika jamii zote, akitetea
hasa uhai wa binadamu na uhuru wa dini.
Upande
wa dini, aliboresha uhusiano kati ya Kanisa Katoliki na madhehebu mengine ya
Ukristo pamoja na ule na dini mbalimbali, kuanzia Uyahudi.
Ziara
zake 104 kati nchi 129 ulimwenguni kote, mbali na 146 nchini Italia na 317
katika parokia za Roma, zilikusanya mara nyingi umati mkubwa (hadi zaidi ya
milioni 4 huko Manila, Ufilipino), na kumfanya asafiri kuliko jumla ya mapapa
wote waliomtangulia, akiwa mmojawapo kati ya viongozi wa dunia waliosafiri
zaidi.
Papa
Wojtyła alitangaza wenye heri 1,340 na watakatifu 483, ili kuwapa Wakristo wa
leo vielelezo mbalimbali kwa maisha yao ili walenge utakatifu walioitiwa na
Mungu. Idadi hiyo ni kubwa kuliko ile ya waliotangazwa na jumla ya Mapapa wote
waliomtangulia walau katika karne tano za mwisho.
Alikuwa
anaongea lugha mbalimbali, zikiwemo za Kipolandi, Kiitalia, Kifaransa,
Kijerumani, Kiingereza, Kihispania, Kireno, Kiukraina, Kirusi, Kikroati,
Kiesperanto, Kilatini na Kigiriki cha kale. [18]
Yohane
Paulo II ametangazwa na mwandamizi wake Papa Benedikto XVI kuwa mwenye heri
tarehe 1 Mei 2011, halafu Papa Fransisko akamtangaza mtakatifu tarehe 27 Aprili
2014.
Sikukuu
yake huadhimishwa kila mwaka tarehe 22 Oktoba, kulingana na siku ya kuanza
rasmi huduma yake ya Kipapa.
Pia
ni kumbukumbuu ya Mt. Mose Mwetiopia, Mtawa (405)
Mose
alizaliwa nchini Etiopia karne ya nne. Wakati wa utoto wake alichukuliwa
akauzwa kuwa mtumwa nchini Misri, akawa mtu mkubwa na mwenye nguvu. Kwa sababu
ya wizi akafukuzwa na bwana wake, akawa kiongozi wa kundi la watu wabaya na
wezi waliowatisha watu wa vijijini. Hatujui jinsi alivyoongoka; tumeambiwa tu
kwamba alienda kukaa katika monasteri ya Petra katika jangwa la Skete (Misri).
Baada ya muda, siku moja alishambuliwa na wezi wane, lakini akafaulu
kuwashinda, akawafunga kwa kamba, akawapeleka kanisani, akisema; “sina ruhusa
ya kuwajeruhi; basi, nifanyaje na wajinga hawa?” Wale majambazi wakaachiliwa,
na inasemekana kwamba waliongoka wakawa wamonaki.
Mose
hakugeuka kuwa mtakatifu kwa ghafla. Safari moja, alikata tamaa kabisa kadiri
alivyona hatafaulu kamwe kuishinda hasira yake iliyokuwa kali sana. Basi,
alimwendea Mt. Isidori, abati wa monasteri ya Pelusio (Misri) ambaye tangu
ujana wake alikuwa monaki.
Abate
huyo akamtangulia Mose hadi juu ya monasteri. Ilikuwa saa ya macheo ya jua.
Abate Isidori akaangalia mashariki akasema: “Tazama, pale tu giza linaufanyia
mwanga nafasi. Basi, ni hivyo rohoni mwetu”. Ndivyo alivyoimarishwa Mose.
Akarudia kazi yake nzito, huduma na sala. Mungu alimrekebisha sana. Askofu wa
Aleksandria (Misri) aliposikia habari utakatifu wake, akaamua kumpadrisha. Mose
akazidi kujulikana mahali pengi kwa ajili ya fadhili zake.
Siku
moja, wakati wa Kwaresima, aliwakaribisha wageni waliokuwa wakiona njaa kweli.
Ijulikane kwamba wakati ule, hasa katika monasteri, amri ya kufunga chakula
ilikuwa kali sana, lakini hata hivyo Mose alianza kuwapikia wageni wake.
Wamonaki wenzake walipotambua Mose alikuwa anafanya nini, wakamkasirikia
wakisema: “Mose anavunja sheria; baadaye tukamkaripia sana! Lakini wakabadili
nia yao wakikubali kwamba, japo Mose alikuwa ameivunja sheria ya wanadamu, hata
hivyo, alikuwa ameitimiza ile ya Mungu.
Siku
nyingine, aliitwa mkutanoni mwa wamonaki kwa ajili ya kumhukumu mmoja wao
ambaye alikuwa ametenda dhambi kubwa. Mose akaenda kwa shingo upande akibeba
pakacha lililojaa mchanga, nao ulikuwa unavuja poole pole. Mose akasema: Nimekuja,
na dhambu zangu zinanitoka; nanyi mnaniambia nimhukumu mwenzangu”. Kamwe
hakuisahau amri ya Mungu kwamba “Msihukumu, nanyi hamtahukumiwa”.
Akiwa
mzee, Mose aliuawa na majambazi wa kiarabu, huenda katika mwaka 405. Aliacha
nyumba ikiwa na wafuasi sabini ambao wote walidumua katiak sala na utakatifu wa
maisha. Jinsi gani tofauti ilviyokuwa kubwa kati ya kundi hilo na lile
aliloliongoza zamani kabla hajamfahamu Mungu!
Tarehe
hiyo hiyo tunakumbuka pia sikukuu ya Mwenyeheri Yosefina Leruu (1794) Mtawa na
mfiadini
Alizaliwa
mjini Kambre (Ufaransa) mwaka 1747. Katika mwka 1770, aliweka nadhiri za utawa
katika shirika la masista fukara wa mt. Klara wanaoishi maisha ya ndani.
Serikali
ya Ufaransa ilipopinduliwa, watu waliokuwa wapinzani wa dini wakaanza kuitawala
nchi. Basi, muda mfupi baadaye mnamo mwaka 1790, serikali ikatoa amri ya
kuzifunga konveti zote za masista wasio walimu wala manesi. Hivyo, sista
Yosefina akarudi nyumbani.
Lakini
baada ya muda mfupi tu, akachoka kuishi nje ya utawa, akaomba kujiunga na
shirika la masista walimu.
Akakubaliwa,
akakaa muda mfupi, na ndipo masista wote wakakamatwa, wakatiwa gerezani.
Mwaka
1794 wote walihukumiwa kufa. Inasemekana kwamba sita Yosefina alipanda jukwaani
kwa raha, na alikuwa akiimba nyimbo wakati alipokuwa anaongojea zamu yake ya
kukatwa kichwa.